قضايا و حوادث أميرة الوافي تكشف تفاصيل جديدة في قضية شقيقها الإعلامي سمير الوافي
بعدما قررت الدائرة الجناحية الثامنة بمحكمة تونس إحالة قضية الإعلامي سمير الوافي على الدائرة الجنائية بنفس المحكمة وفي حين مازالت التهمة الموجهة له لم تتضح بعد، كتبت أميرة الوافي شقيقة سمير الوافي التالي:
"اعلامي موقوف مثبتتش عليه التهمة تعدى الملف مالابحاث في القرجاني ملقاو شئ عداوه للنيابة العمومية كالعادة، عداتو للمحكمة ملقاو حتى دليل،رجعوه للنيابة مرة اخرى، وفي انتظار انها تقرر وين مش تزيد تعديه، والمتهم في هذا الكل مازال برئ لم تثبت ادانتو وما فماش دليل واضح وثابت ضدو رغم هذا موقوف تقول مجرم ولا قتل روح، هذا هو الظلم بعينه.
سمير الوافي معندوش مكينات الى باش تدافع وتحتج وتقيم الدنيا للافراج عليه. معندوش انتماء حزبى سياسي الى انصارو مش يدافعو عليه اما عندو ربي واللى عندو ربي عندو كل شئ لازم باش ينور الحق.
متهم برئ لم تثبت ادانته ومع هذا مفماش حتى تحرك لا فم هايكا تندد لا نقابة ولا جمعية صحفيين و لا غيرو. قال شنوة ما عندوش انخراط ولا مش قاري صحافة انساو الى اغلب الاعلاميين المعروفين في العالم مش قارين صحافة وانساو الى كيف تقول الاعلام في تونس تحب ولا تكره سمير الوافي من اكثر الاعلاميين المعروفين والناجحين.
وكان عالقضية مجرد قضية حرية تعبير ابحاث متتالية وماثبتتش التهمة وقضية مفتعلة لا شاكي ولا متضرر ورغم هذا المتهم برئ و موقوف ظلم اما الله غالب مكذبش الى قال جمهورية الموز وكهو".
